မြေကြီး ဆွေးမြေ့ခြင်း
– မြေဆီလွှာအတွင်း ရေရှည်တည်တံ့သော အော်ဂဲနစ်ပစ္စည်းများ (Humus) ဖြစ်ပေါ်လာစေရန် ပါဝင်ဆောင်ရွက်ပေးခြင်း။
– မြေကြီးအတွင်းရှိ အဏုဇီဝသက်ရှိများအတွက် အာဟာရ (အစားအစာ) ဖြစ်စေခြင်း။
– အဏုဇီဝသက်ရှိများသည် အော်ဂဲနစ်ပစ္စည်းများတွင် ပါဝင်သော နိုက်ထရိုဂျင်နှင့် ဖော့စဖရပ် အာဟာရဓာတ်များကို အပင်မှတိုက်ရိုက်စုပ်ယူစားသုံးနိုင်သည့်ပုံစံ (Inorganic form) သို့ ပြောင်းလဲပေးခြင်း။
မြေလုံးခဲများဖြစ်စေခြင်း
-မှိုမျှင်အစုအဖွဲ့များသည် ကော်ကဲ့သို့သော ဒြပ်ပေါင်းများထုတ်လွှတ်ပြီး မြေမှုန်လေးများကို စုစည်းတွယ်ကပ်စေပါသည်။
-ထိုသို့ မြေမှုန်လေးများ တွယ်ကပ်ခြင်းကြောင့် ခိုင်မာသော မြေသားတည်ဆောက်ပုံ (Soil Structure) ကို ဖြစ်ပေါ်စေကာ ရေနှင့် အပင်အာဟာရဓာတ်များကို ပိုမိုထိရောက်စွာ ထိန်းသိမ်းစုပ်ယူနိုင်စေပါသည်။
-အချို့သော အဏုဇီဝသက်ရှိများနှင့် သတ္တဝါများ (ဥပမာ – မှိုများ၊ တီကောင်များ) သည် မြေကြီးအတွင်း သေးငယ်သော အပေါက်လေးများ (Pores) ကို ဖောက်လုပ်ကြပါသည်။
-၎င်းကြီးမားသော အပေါက်များနှင့် သေးငယ်သော အပေါက်လေးများက မြေဆီလွှာအတွင်း ရေကို ထိန်းသိမ်းပေးခြင်းနှင့် လေလဲလှယ်မှု (Aeration) ကို ပိုမိုကောင်းမွန်စေခြင်းတို့တွင် များစွာအထောက်အကူပြုပါသည်။
ရောဂါများကို ဖိနှိပ်ထားနိုင်ခြင်း
• အချို့သောအဏုဇီဝသက်ရှိများသည် အပင်တောင့်တင်းခိုင်မာမှုကို အားပေးပြီး အပင်ရောဂါ ကျရောက်မှုကို တားဆီးပေးနိုင်ပါသည်။
• မြေကြီးတွင် နေထိုင်သော သက်ရှိများသည် ရောဂါဖြစ်စေသော သက်ရှိများ ပါဝင်သည့် ပင်ကြွင်းပင်ကျန်များကိုလည်း ဆွေးမြေ့စေပါသည်။
မြေကြီး၏ ဇီဝဂုဏ်သတ္တိကို အောက်ဖော်ပြပါ အချက်များကို အသုံးပြု၍ တိုင်းတာခြင်းအားဖြင့် ဆုံးဖြတ်နိုင်ပါသည်။
-ဇီဝသက်ရှိများ၏ ပြန်လည်အသစ်ဖြစ်နိုင်သော ကာဗွန်နှင့် နိုက်ထရိုဂျင်ပမာဏ
ဇီဝသက်ရှိဆဲလ်များတွင် သိုလှောင်ထားသော တိုင်းတာ၍ရသည့် ကာဗွန်နှင့် နိုက်ထရိုဂျင် ပမာဏသည် မြေကြီးတွင်းရှိသော ဇီဝသက်ရှိအဖွဲ့အစည်းနှင့် ၎င်းတို့ သိုလှောင်ထားသော အာဟာရများကို ညွှန်းဆိုပါသည်။
-မြေကြီး အသက်ရှူခြင်းနှုန်း
မြေကြီးတွင်း နေထိုင်သော အဏုဇီဝသက်ရှိများ၏ ဇီဝလုပ်ဆောင်ချက်များနှင့် ဆွေးမြေ့သည့်နှုန်းကို ညွှန်းဆိုသည့် မြေကြီးအသက်ရှူနှုန်းသည် မြေကြီးမှ ထွက်လာသော ကာဗွန်ဒိုင်အောက်ဆိုဒ် ပမာဏကို တိုင်းတာခြင်းဖြင့် သိရှိနိုင်ပါသည်။
-အင်ဇိုင်းများ၏ လုပ်ဆောင်မှုများ
သီးသန့်အင်ဇိုင်းများဖြစ်သည့် Urease, phosphates နှင့် Catalase များသည် အပင်အာဟာရ စက်ဝန်းအတွက် အလားအလာရှိမှုကို ပြသပေးပါသည်။
-မြေကြီးဇီဝကွဲပြားမှုနှင့် သက်ရှိများ
မြေဆီလွှာ တည်ဆောက်မှုနှင့် မြေဆီလွှာ ကျန်းမာခြင်းကို ဖြစ်စေသော တီကောင်များ၊ ပင့်ကူများနှင့် နီမတိုဒ်ကဲ့သို့သော သက်ရှိများ မြေကြီးတွင်း ပေါများစွာနှင့် မျိုးကွဲများစွာ ရှိနေခြင်းအားဖြင့် တိုင်းတာနိုင်ပါသည်။
-အလုပ်လုပ်ဆောင်နိုင်သော အဏုဇီဝအဖွဲ့များ
နိုက်ထရိုဂျင် ဖမ်းစုပ်ပေးနိုင်သော (သို့မဟုတ်) ဆွေးမြေ့မှုကို ဖြစ်စေသော ဘက်တီးရီးယား အချိုးသည် သီးသန့် ဇီဝကမ္မဖြစ်စဉ်များနှင့် ပါဝင်ဖွဲ့စည်းခြင်းကို တိုင်းတာခြင်းအားဖြင့်လည်း သိရှိနိုင်ပါသည်။