မြေသားတည်ဆောက်မှု အဆင့်တန်းကို ဖော်ပြမည်ဆိုရင် မြေလုံးမြေခဲ တခုစီရဲ့ ပျမ်းမျှအရွယ်စား ဖြင့် ဖော်ပြနိုင်ပါသည်။ ၎င်းတို့ဖြစ်ပေါ်လာသော မြေသားအဆင့်အတန်းနှင့် ဆက်စပ်ပြီး ထင်းရှား သော အဆင့်အတန်း (၅) မျိုး ခွဲခြားနိုင်ပါသည်။ ၎င်းတို့မှာ

အလွန်နူးညံ့သော (သို့ ) အလွန်ပါးလွှာသော

နူးညံ့သော (သို့ ) ပါးလွှာသော

မနူးညံ့ မကြမ်းတန်းသော ကြားအခြေအနေ

ကြမ်းတန်းသော (သို့ )ထူသော

အလွန်ကြမ်းတန်းသော (သို့ ) အလွန်ထူသော

            မြေသားတည်ဆောက်မှုကို မြေလုံးမြေခဲ တစ်ခုစီ၏ ပုံစံ ဖြင့်ဖော်ပြလေ့ရှိပါသည်။ ယေဘုယျ မြေကြီးပညာရှင်များ မြေသားတည်ဆောက်မှုအမျိုးစား (၇) မျိုး ရှိသည်ဟု သတ်မှတ်ထားပါသည်။ ၎င်းတို့မှာ

၁။ Granular – အလုံးအခဲပုံသဏ္ဏာန်

လုံးဝိုင်းသော မြေလုံး၊ မြေခဲများဖြင့် ဖွဲ့စည်းထားသည်။ အချင်း ၀.၂၅ လက်မ ထက် သေးငယ်ပြီး မြေလုံးလေးများသည် ကြေကွဲလွယ်သည်။ အပေါ်ယံမြေလွှာတွင် တွေ့ရသည်။

၂။ Blocky – အတုံးအခဲပုံသဏ္ဏာန်

အလျား၊ အနံ၊ အမြင့် တူညီလုနီးပါးရှိသော မြေအတုံးအခဲများနှင့် ဖွဲ့စည်းထားသည်။ မြေ၏ဒုတိယ အလွှာတွင် ရေပြင်ညီအတိုင်းတွေ့ရသည်။

၃။ Columnar – ဒေါင်လိုက်-ဆားခွက်သဏ္ဏာန်

တိုင်ပုံသဏ္ဍန် ဒေါင်လိုက်ဖွဲစည်းထားသည်။ ထိပ်ပိုင်းလုံးဝိုင်းသည်။ ခြောက်သွေ့ရာသီရှိသော နေရာများ၊ ဆိုဒီယမ်ပါဝင်မှုများသော မြေတွင်တွေ့ရသည်။

၄။ Prismatic – ဒေါင်လိုက်-မြှောင်းပုံသဏ္ဏာန်

သုံးမြှောင့်ပုံ ဒေါင်လိုက်ဖွဲ့စည်းထားသည်။ ထိပ်ပိုင်းပြန့်သည်။ မြေစေးများသောမြေ (ရှုံ့နိုင်/ ကျယ်နိုင်သောမြေ)၏ ဒုတိယအလွှာတွင်တွေ့ရသည်။

၅။ Platy – ပါးလွှာ ပြားချပ်ပုံသဏ္ဏာန်

ပါးလွှာ ပြားချပ်သောအလွှာများ သိပ်သည်းစွာ အချပ်လိုက်တွေ့ရသည်။ ရေအောက်သို့ စိမ့်ဆင်းမှုကို ဟန့်တားထားသည်။ ဒုတိယအလွှာတွင် တွေ့ရသည်။

၆။ Wedge – သပ် ပုံသဏ္ဏာန်

သပ်ချောင်းပုံမြေမှုန်လေးများနှင့် ဖွဲ့စည်းထားသည်။ စေးကပ်သောမြေများတွင် တွေ့နိုင် သည်။ မြေသားတည်ဆောက်ပုံ အလိုက် မြေ၏ဂုဏ်သတ္တိများ ကွာခြားသွားစေသည်။

၇။ Single – သီးခြားကွဲပြားပုံသဏ္ဏာန်

မြေမှုန်တစ်မှုန်ချင်းစီ သီခြားကွဲထွက်နေပြီး ပေါင်းစပ်မှုမရှိ။ အလွန်သဲဆန်သောမြေ၊ ပင်လယ်ကမ်းခြေမှ သဲများတွင် တွေ့ရသည်။